Reykur er skaðaminnkandi þjónusta, ráðgjöf og eftirfylgni fyrir fólk sem glímir við vímuefnavanda og reykir ópíóíða og örvandi vímuefni, á öllu landinu.

Þjónustan er veitt að kostnaðarlausu og geta einstaklingar leitað til hennar í nafnleynd.

100% trúnaður og nafnleynd ríkir í þjónustunni.

Hvernig fæ ég þjónustuna

Síminn í Reykur er790-4455.

Vettvangsþjónustu er alla þriðjudaga og föstudaga frá kl. 19:00-22:00.

• Höfuðborgarsvæðið: Þú hringir í okkur og við hittum á þig hvar sem er á höfuðborgarsvæðinu.

• Landsbyggðin: Þú hringir í okkur og við veitum ráðgjöf og stuðning í síma og sendum þér síðan búnaðinn með pósti.

Símaþjónusta alla virka daga frá kl. 12:00-17:00. öllum er velkomið að hringja.

Þjónustan sem veitt er í Reykur:

1. Skaðaminnkandi búnaður:
   Hreinn álpappír, glerpípur + munnstykki + filter. Sótthreinsiklútar, matarsódi, munnvatnstöflur.

2. Einföld vímuefnapróf:
   Skimunarpróf fyrir fentanyl og nitazene (sterkir nýmyndaðir ópíóíðar).

3. Naloxone nefúði + fræðsla:
   Tveir Naloxone nefúðar, ásamt fræðslubæklingi um viðbrögð við ofskömmtun.

4. Leiðbeiningar um öruggari vímuefnanotkun:
   M.a. um varnir gegn ofskömmtun, leiðir til að draga úr skaða fyrir öndunarfæri og munnheilsu.

5. Aðstoð í ópíóíðalyfjameðferð og afeitrun:
   Umsókn í flýtiþjónustu hjá SÁÁ vegna ópíóíðafíknar.

6. Aðstoð í félags- og heilbrigðisþjónustu:
   Tengja notendur við viðeigandi þjónustu og veita fræðslu um úrræði sem standa til boða.

7. Öruggt rými og sálrænn stuðningur:
   Stuðningssamtöl og félagslegur stuðningur.

8. Eftirfylgni með málum:
   Forstöðumaður og hjfr sinnir marvissri eftirfylgni með málum skjólstæðinga og vinnslu þeirra í kerfinu.

Markmið þjónustunnar

• Að draga úr ótímabærum dauðsföllum og heilsufarslegum skaða.

• Að koma í veg fyrir að vanda fólks þyngist og versni.

• Að styðja fólk í átt að jákvæðum breytingum og bata.

Um Reykur

Reykur - skaðaminnkandi þjónusta, var sett á laggirnar 4.febrúar 2025 vegna mikilla þarfa. Sambærileg verkefni hafa verið starfrækt í áratugi erlendis, m.a. á Norðurlöndum, sem hafa sýnt fram á mjög góðan árangur.

Verkefnið var unnið í góðu samstarfi við notendur hér á landi og kemur nafnið á þjónustunni Reykur, meðal annars frá notendum. Að auki veittu erlend notendasamtök sérfræðiráðgjöf varðandi skaðaminnkandi búnað.

Reykur er sjálfboðaliðaverkefni og veita 16 sjálfboðaliðar þjónustuna. Þau hafa öll að lágmarki þriggja ára starfsreynslu á að veita skaðaminnkandi þjónustu eða starfa í fíkni-geðþjónustu,og menntun sem nýtist í starfinu. Einnig hafa þau setið 10. klst námskeið og fengið þjálfun til að veita þjónustuna.

Heilbrigðisráðuneytið veitti Matthildarsamtökunum styrk árið 2023 sem gerði samtökunum kleift að vinna að uppsettningu á þjónustunni og í kjölfarið setja hana á laggirnar.

Forstöðukona, Svala Jóhannesdóttir: svala@matthildur.is

Hjúkrunarfræðingur, Hildur Harðardóttir: hildur@matthildur.is