Vefsíða í vinnslu!
Stjórnarmeðlimir Matthildar
2026 — 2027
Rebekka Helga Aðalsteinsdóttir Gjaldkeri (hún/she)
Rebekka er viðskiptafræðingur með MPM-gráðu í verkefnastjórnun og starfar við upplýsingatækni og verkefnastjórnun.
Fyrir Rebekku er skaðaminnkun fyrst og fremst mannréttinda- og lýðheilsumál — að öll sem nota vímuefni eigi rétt á heilbrigðisþjónustu án fordóma. Með framlagi sínu vill hún styðja við faglegan og traustan rekstur svo samtökin geti haldið áfram að veita lífsnauðsynlega þjónustu og þróa hana enn frekar.
Rebekka Helga kom inn í stjórn Matthildar árið 2026.
Rúna Sif Harðardóttir Ritari (hún/she)
Rúna Sif er félagsráðgjafi og lauk mastersnámi til starfsréttinda árið 2024.
Rúna Sif starfar sem félagsráðgjafi hjá SÁÁ á sjúkrahúsinu Vogi og hefur jafnframt reynslu af sjálfboðaliðastarfi í Reykjur þjónustunni og Matthildarteyminu. Meistaraverkefni hennar frá árinu 2024 fjallaði um upplifun og viðhorf þjónustuþega til lyfjameðferðar við ópíóíðafíkn á vegum SÁÁ. Verkefnið varpar ljósi á mikilvægi þess að reynsla og sjónarhorn þjónustuþega séu höfð að leiðarljósi við þróun og framkvæmd meðferðarúrræða.
Að mati Rúnu Sifjar er skaðaminnkun mannúðleg nálgun sem miðar að því að draga úr skaðlegum afleiðingum vímuefnanotkun fyrir einstaklinga og samfélög. Hún er jafnframt ein af meginstoðum hugmyndafræðinnar að baki lyfjameðferð við ópíóíðafíkn, þar sem áhersla er lögð á að veita einstaklingsmiðaðan stuðning, stuðla að stöðugleika og skapa betri forsendur fyrir bata og virkri þátttöku í samfélaginu.
Rúna Sif kom inn í stjórn Matthildar árið 2026.
Sigrún Dögg Guðjónsdóttir
Stjórnarmeðlimur (hún/she)
Sigrún Dögg er læknir og starfar sem yfirmaður rannsóknarstofu hjá Oculis, alþjóðlegu lyfjaþróunarfyrirtæki.
Áður starfaði hún sem klínískur læknir í Kaupmannahöfn, bæði á bráðamóttöku og á smitsjúkdómadeild, þar sem hún sá frá fyrstu hendi hversu mikil áhrif virk skaðaminnkun getur haft.
Sigrún Dögg telur skaðaminnkun mikilvægt málefni og vill leggja sitt af mörkum til að halda starfsemi Matthildar áfram og þróa hana enn frekar.
Sigrún Dögg kom inn í stjórn Matthildar haustið 2026.
Una Hlín Kristjánsdóttir, Stjórnarmeðlimur (hún/she)
Una hefur víðtæka reynslu af starfi með fólki með fjölþættan Vímuefna. Hún hefur meðal annars starfað á Velferðarsviði Reykjavíkurborgar, í vettvangs og ráðgjafateymi (VoR-teymi), í neyðarskýlum fyrir heimilislausa karlmenn með miklar og flóknar þjónustuþarfir og í skaðaminnkandi búsetuúrræðum fyrir konur með þungan vímuefna og geðvanda.
Hún starfaði einnig sem áfengis og vímuefnaráðgjafi hjá SÁÁ, samhliða námi og starfsþjálfun. Í þessum störfum hefur hún kynnst vel þeirri jaðarsetningu sem fólk með vímuefnavanda verður fyrir og mikilvægi trausts, samfellu í stuðningi og þess að mæta fólki á eigin forsendum. Una hefur lokið meistaranámi í fatahönnun við Istituto Marangoni í Flórens og starfar í dag sem leiðtogi í Listasmiðju Virknimiðstöðvar Reykjavíkurborgar. Bakgrunnur Unu í hönnun og velferðar starfi mótar áhuga hennar á valdeflingu, sýnileika og samfélagslegri þátttöku. Hún vill sameina þessa reynsluheima í þágu Matthildar, stuðla að auknum lífsgæðum og standa vörð um réttindi fólks með vímuefnavanda. Fyrir Unu snýst skaðaminnkun um mannúð, virðingu og sjálfsákvörðunarrétt. Henni er mikilvægt að fólk hafi aðgang að öryggi, fræðslu og stuðningi án fordóma og að reynsla þess og rödd hafi vægi í mótun þjónustunnar sem því stendur til boða. Þar hefur hún að leiðarljósi: „Ekkert um okkur án Okkar.“
Una kom inn í stjórn Matthildar haustið 2026.
Svala Jóhannesdóttir,
Formaður (hún/she)
Svala hefur 19 ára reynslu af því að starfa með fólki sem glímir við vímuefnavanda og fjölþættan vanda. Hún hefur starfað fyrir Velferðarsvið Reykjavíkurborgar og Rauða krossinn, þar hefur hún m.a. stýrt skaðaminnkandi þjónusta á borð við Frú Ragnheiði á höfuðborgarsvæðinu, neyðarskýlum fyrir heimilislausar konur og íbúðarkjörnum fyrir fólk með virkan vímuefnavanda.
Svala hefur þróað og innleitt skaðaminnkandi inngrip í fjölda úrræða og kom að innleiðingu skaðaminnkunar í málaflokki heimilislausra árið 2021 hjá Reykjavíkurborg. Svala heldur námskeið og kemur að stundakennslu um málefni tengd vímuefnanotkun fyrir háskólasamfélagið, stofnanir og sveitarfélög.
Svala er með BA í félagsfræði og hefur lokið framhaldsmenntun á meistarastigi í fjölskyldumeðferð og handleiðslufræðum. Hún er jafnframt með vottun í samþættri skaðaminnkandi sálmeðferð frá Optimal Living Psychological Services í Bandaríkjunum.
Svala hefur skoðað fjölmargar skaðaminnkandi þjónustur erlendis og er tengiliður (e. Focal Point) Íslands, fyrir hönd Matthildarsamtakanna, hjá Correlation European Harm Reduction Network.
Fyrir Svölu er skaðaminnkun viðurkennd aðferðafræði innan fíknifræða sem leggur áherslu á lýðheilsu og mannréttindi fólks sem notar vímuefni. Samstarf við notendur er undirstaða alls starfs í skaðaminnkun.
Svala er ein af stofnaðilum samtakanna og er jafnframt forstöðukona skaðaminnkandi verkefna hjá samtökunum.
Arna Ósk Óskarsdóttir,
Samfélagsmiðlafulltrúi (hún/she)
Arna hefur verið sjálfboðaliði hjá samtökunum frá árinu 2025 og meðal annars verið partur af samfélagsmiðla teyminu.
Arna hefur stundað nám á listnámsbraut Tækniskólans og við Myndlistaskóla Reykjavíkur. Arna hefur einnig yfir 13 ára starfsreynslu af umönnun og stuðning í íbúðakjörnum fyrir fólk með fatlanir.
Arna hefur mikinn áhuga á mannréttindum, sálfræði og félagslegu réttlæti. Sérstaklega þegar kemur að málefnum jaðarsettra hópa í samfélaginu.
Fyrir Örnu snýst skaðaminnkun fyrst og fremst um mannréttindi, virðingu og rétt fólks til að fá heilbrigðisþjónustu án fordóma. Með starfi sínu vill hún stuðla að aukinni fræðslu og breyttum viðhorfum til vímuefnanotkunar.
Stofnmeðlimir Matthildar
Elín Guðný
Gunnarsdóttir,
MPM
Sigrún Jóhannsdóttir,
lögmaður
